Tuesday, October 7, 2014

ISIS Misual Pawl Mi Thahnawn Ning

Chinchiah: ISIS pawl thahnawnmi hna, hmanthlak hi tih an nun tuk caah, na zoh ngam lo ahcun zoh hlah. Na zoh ahcun nangmah nawl. Catialtu cungah tuanvo a um lo.

ISIS hrawkhraltu (terrorist) pawl hi, vawleicung tuanbia zoh tikah a sualbikmi tapung an si. Hi hna pawl sualning le thawnning ruah tik ah aphi chuah khawh lo dingmi biahalnak nganpi a um. Pathian nih maw hi thil hi tuahnak nawl a pek ko hna hnga maw? Satan riantuannak dah asi hnga? ISIS pawl sualning ruah tikah hin, chimpi misual an si.

Vawleicung tuanbia zoh tikah, Rome ralkap hi misual bak ah chiahmi an rak si. Asinain ISIS pawl sualnak hi hlanlio Rome ralkap sualnak nakin a sang deuh. Rome ralkap zong hi, midang nih kan tih hna sehlaw kan ti ngam hna hlah seh tiah, hrem le vailamtah hi an rak hmang. Siangpahrang Constantine (272-337 AD) chan in, vawleicung ah vailamtah mithah hi a um ti lo ti tluk asi. Asinain vailamtah hi atu ISIS pawl nih thar an van chuah. Minung nih kum 1700 deng an hlawt cangmi, dantatnak cu a IS misual pawl nih an thar chuah tikah, fih a nung tukmi dantatnak asi.

Vailamtah cung thah bantuk in tihnung le tuksapur asimi mithahnak cu, "nung nain hngawng tan" hi asi. IS nih an hngawng an tan tik hna ah, huamsam tein an tan hna. Hngawng cu thahri tamtuk aa tonnak hmun asi caah, a fah a zual khun. Tanmi nih a celh in an celh lo. An hrum-ai tuk ning chim awk a tha lo. An hnawng an cik hnu hna ah, an taksa cu saupi a nung rih. Tih a nung i thling a za tuk.

Micheu lu cu an tak cungah an chiah hna. Acheu vam ah an tar; lupi cu capo an saih hna i an chuihlamh pah hna. Minung lu put hi an nih nin cun, vomkhuai le ngalhriang lu put tluk ah an ruah. Thi le daw zong zeihmanh an rel lo. Minung hi market sacan in an can hna. Minung hawi kha minung hawi in a hmu hna lo. Acheu cu zilpum cik in an cik hna.

A pawi bikmi pakhat cu, thahmi hna chungkhar nih an lungfah an celh lo. Lungrawk zawtnak zong a ngeih phah hna. Chugnkhar hna caah nun chung lungdamnak a um kho ti lo.

ISIS tuklehpek hna nih an thahmi hna hi an tam tuk cang. Acheu cu ka langhter cangmi hna zong a um nain, atanglei ah ka van langhter than. An thahmi vialte hna hi hmanthlak ah an lang dih lo. Zeimawzat te lawng an lang. Tahchunhnak ah Yazidis miphun hmanh hi, a run in 500 renglo an thah hna ti a si i, cu hna hmanthlak vialte hmanh cu an lang dih lo.

Hi ISIS nih thahmi hna chungah a tanglei minung hi an i tel hna:-

1. An huatmi hna le an policy a dohmi paoh, miphun kip le biaknak kip an i tel.
2. Iraq le Syria ralkap le mipi zong an i tel.
3. Kurdish ralkap zong an i tel.
4. Iraq le Syria ram miphun fatete zong an i tel
5. Krihfa zong tampi an i tel
6. American le UK thawngpang latu pawl zong an i tel.
7. Nu le ngakchia zong an i tel
8. Muslim in biaknak dang aa thialmi zong an i tel
9. An mah biaknak a biami asi zongah pa aa duhmi le mi nupi a hrawkmi zong an i tel
10. Tar le ngakchia zong an i tel hna



            Syria ralkap hngawng an cik lio


                   Adang Syria pa hnawng an cik lio

Atanglei hmanthlak senmi pawl hi cu, US le UK pawl an thahmi hna an si. Angki theithu rawng an hrukter hna. A ruang cu Guantanamo Bay i, Taliban pawl thawng an thlakmi hna an hruktermi hna thilri color he aa khatmi thengte kha, relrul cham bantuk in an hruktermi hna asi an ti. Hi bantuk in a suallomi journalist hna le mi bawmtu hna thatttu ISIS pawl hi an donghnak zeidah an lawh ve te lai timi zoh rih ko hna u sih!!!





Syria ram i mi bawmtu British Aid worker David Haines zong an thah ve


  US Journalist James Foley a hrawng an cikmi (chungkhar caah tuar a har tuk)
James Foley thattu zong hi American ISIS asi theu lai tiah an ruah. A aw hi American aw asi an ti. (Ref. Israel news)



US Journalist Steven Sotloff (zoh ngam asi lo chungkhar caah)


Alan Henning (British) mi bawmtu zong (10/3/14) ah an thah. A thattu hi Jidadi John tiah an ti i, British a si ve thiamthiam. Uk nih an cawm ciami hna an mah thattu ah an tla cang.



Milupipi salu lenh in an i lenh ngammi kalsual ISIS pawl

ISIS pawl hi Hitler te hna, Pol Pot timi Cambodia communist misual pa hna nakin an sual deuh. Sualngak ngei lo ngakchia zong an zuah hna lo. Zawnruahnak le zaangfahnak timi hi an chungah pakhat te zong aa sem lo. An fanu le fapa hitin tuah hna sehlaw an duh hrimhrim lai lo nain, an nih nih cun mi midang ngakchia cu nuam sul ah an hman hna. Hi ngakchia pawl hna, thinphan, tihphannak, thathir le tah aihram khi zeidek an va lawh hnga? Ruah ngam asi lo ee.



           Ngakchia lung in an cheh i an thahmi hna


            Bawmtu ngei lo ngakchia zong IS kut an tuar!.


Sualnak ngeilo ngakchia nu te zong thir phang lengmang in IS kut a tuar!


               IS nih Krihfa ngakchianu ar thah in an thah lio



IS nih Krihfa pangakchia a pum cheu in an tanmi. Zu hmanh hi hi tluk in cun kan that lai lo dah?


             ISIS nih Krihfa ngakchia an thahmi hna (Nu le pa caah tuar a har ko mu?)

 
Mosul khua ah Krihfa ngakchia an thahmi                               A ruak an char lio



Zei kan sual ti awk hngal lo in an nunnak ISIS kut ah an liam ee!


Krtihfa chungkhar ngakchiat 8 an innchung ah an kahthat dih hna.

Zumhnak ruangah mi tampi cu an nunnak a rak liam tawn.


               Krihfa ngakchia alu an cikmi

Krihfa ngakchia an thahmi anu nih a pawm lio


  Ngakchia lu an tan hna ruangah nu le a tah lio


Iraq le Syria ram Krihfa nu hna cu ngamh khawh lo in an tap zungzal ko cang. Zeicatiah an fale tampi an um ti lo caah asi. An nun chung an ngam kho ti lai lo. An i hngilh sia a rem kho ti lai lo. An nunnak cu ngaihchiatnak, thinphannak, lungrawknak le mitthli in a khat zungcal cang dingmi an si. Zeicatiah sualnak ngeilo an fale tuarnak a fah tuk caah asi. An tap lengmang ko. Ngamh khawh an si ti lo!!!

ISIS nih hi sualngak ngeilo an thahnawnmi hna kong hi, Herod nih Bethlehem khuapawng pa ngakchia kum-2 tang vialte, thah dih ding in nawlbia a chuahnak he aa lo. Matthew nih cun, Bethlehem khuakam i tah le aihramnak kong cu hitin tial:-

"Ramah khua chungah tah thawng a thang......
Cu thawng cu..... tahnak le aihramnak thawng asi...
Rachel nih a fale cu a tah hna..
An dihlak in an thih dih caah...
 A tap lengmang ko i.................
Ngamh khawh asi ti lo" (Matt. 2:18)

Herod chan ah Bethlehem hrawnghrang nu le hna, ngamh khawh lo in an rak tah lengmang bang, Syria le Iraq ah ISIS ruang ah nu le hna cu ngamh khawh lo in an tap cuahmah ve ko. An mitthli a hul kho ti lo....zeicatiah an fale an thih dih caah asi.....


Yazidis nu pawl an tlaihmi hna caah mitthli a hul kho ti lo!



Krihfa hna an i thuhnak zongah an luat kho ti lo!


                   Nu zong an hual ti hna lo.


Ka donghnak zeidah a si te lai ti a ruat lomi ISIS kalsual pa


ISIS ralkap nih mi hngawng a cik lio. Nunnak hi kalsualmi caahcun zeite a rak si lo?




Ahote fapa cio dah an va si hnga? Kalsual IS khahmul pa zeidongh in dah a dongh te ve te lai?


ISIS hi minung lungput cu an keng bal lai lo tiah ka ruah. An sualning le an mi tuahto ning zoh tikah, an thluak hi i let sehlaw a dawh ko. Atanglei in minung an tuahto ning le an canrawi ning hna zoh tik ahcun, "cakei nih minung a sehmi hmanh aa dawh deuh lai" tiah ka ruah.


          Mah le mah bawm aa puah hnawhmi IS jihadist tuklehpek!


Krihfa pakhat an thah lio. ISIS nih Twitter ah an tarmi asi.

     
                       Syria Krihfa pakhat an thahmi

Syria le Iraq Krihfa pawl hi uar an um taktak. ISISkuttang ah thihnak an tuar tiang Muslim ah lut lo tein an um. Cucaah nunu papa, upa ngakchia thlu lo in an nunnak a liam. Nung nain hngawng ciknak an tuar. An nunnak hi, Krih caah tehte khangtu tha an si. An thih tiang zumh awk tlak tein Bawipa caah an nung. Thih tiang in zumh awk tlak tein an nun caah, Bawipa nih a kan kamh bang in, "Nunnak suiluchin cu an co te ko lai."

Zeicatiah Bawipa nih akan cahtakmi cu hihi asi:-

"Thih tiang in ka cungah zumh awk tlak tein um ko; cun nunnak suiluchin kha kan pek lai" (Biatlam 2:10 b).


Donghna

Kal sual hi cu zei biaknak ca hmanh ah thiltha asi lo. Hi bantuk kalsual pawl hi, an biaknak nih a hruhtermi hna an si. Karl Max nih, "Biaknak hi bingzuk he aa lo" tiah a rak ti. Biaknak hi rit khawh asi. Rit hnu ahcun zeihmanh ruah khawh asi ti lo. Biaknak a rimi cu, zeihmanh an thei kho ti lo. Pathian an theihning zong a dik kho ti lo i, Pathian an ti hnu ahcun "mithah lainawn" zong kha a pawi an ti ti lo. Cucu biaknak a rimi hna pawl sining pakhat asi.

Tahchunhnak ah, Kawlram zongah Buddhist biaknak a rimi pawl nih Muslim tampi an thah ve hna. Indiaram zongah Hindu biaknak a rimi nih Muslim le Krihfa an thah ve hna. Indonesia, Pakistan, Afghanistan, Iran, Saudi Arabia le adang Muslim ram tampi ah Krihfa tamtuk lehpek an thah cang hna. Zei biaknak hmanh rit hnu ahcun biaknak hi bing he aa lo taktak. Arimi nihcun zei an tuak ti lo.

ISIS pawl zong hi Muslim biaknak a rimi pawl an si. An pathian Allah a rimi lawl an si. Allah an rit hnu le an biaknak an rit hnu ahcun an khuaruahkhawhnak mit a caw cang. Cucaah atu bantuk in cakei nih minung a seh ti bantuk in an kut ah thidaw senpipi he minung an thah ngamnak le an lu hmanh an i nuamhpi khawh le an thidaw zong fihnak zeihmanh um lo in, cawsa put in an i put ngamngak asi.

ISIS nih an thahmi hna hmanthlak vialte cu tar cawk ding asi lo caah, acunglei hmanthlak vial nih hin, ISIS pawl hi zeitluk in dah an sual timi cu, careltu an fianter ko cang hna lai.

Hi ISIS pawl hi tuan ah an i rawknak hnga ding caah le vawlei dah daihnak a um khawhnak hnga dign caah, thlaza cam cio hna u sih.

Sualnak ngeilo thisen tamtuk an luantermi ruang ah, Pathian cu a lung a awi bal lai lo. Abel thisen nih vawlei chung in Pathian a auh bantuk in sualnak ngeilo nu le ngakchia hna thiseh le sualnak ngeilo in a nunnak an lakmi thisen vialte nih Pathian cu a auh lengmang ko. Cucaah an donghnak lawng hi, kutdong rel in hngak cio ko hna u sih!!!

Zumhnak ruangah nunnak pe mi vialte hna hi..."Pathian nih an mitthli vialte kha a hnawh piak dih te hna lai" (Biathlam 7:17b).